भगवानले हेर्दाहेर्दै मन्दिर भित्रैबाट २२ मुर्ति चोरी

काठमाडौ । सामान्यतया मसानघाटमा मानिसहरुले क फेला पार्न सक्छन् ? तर यहाँको एक मसानघाटमा भगवानका मुर्तिहरु फेला परेका छन् । भारत मध्य प्रदेशको भिडभाडयुक्त शहरको शान्तिनाथ दिगम्बर जैन मन्दिरबाट आइतबार बिहान चोरी भएका अष्टधातुका २२ मुर्ति फेला परेका छन् ।

जानकारी अनुसार प्रहरीको डरले मुर्ति चोरहरुले ति मुर्तिहरुलाई मसानघाटमा फ्यालेका थिए । मन्दिरमा भएको चोरीलाई लिएर जैन समाज आन्दोलनको तयारीमा रहेको बेला यसरी मूर्ती भेटिएको हो ।यहाँको फूफ कस्बेको श्री शान्तिनाथ दिगम्बर जैन मन्दिरबाट २२ मुर्तिहरु चोरी भएका थिए । जानकारी अनुसार मन्दिरमा ३३ मुर्ति भएकोमा चोरहरुले २२ वटा लिएर बाँकी त्यही छोडेर भागेका थिए ।

चोरहरुले छोडेर गएका मुर्तिहरुमा सुनको जस्तो टलक थिएन् । चोरी भएका मुर्ति भने सुनजस्तै देखिएको बताइएको छ । जैन समाजका व्यक्तिहरुले दिएको जानकारी अनुसार चोरहरुले अष्टधातुको मुर्तिलाई सुनको भनेर लिएका हुन् ।

यस्तै मुर्ति भेट्नेलाई इनाम दिने भन्दै एसपी रूडोल्फ अल्वारेसले घोषणा पनि गरेका थिए । मन्दिरमा विभिन्न तिर्थस्थल र भगवानहरुका १०० वर्ष पुराना ३३ मुर्तिहरु राखिएको थियो एसपी अल्वारेस मुर्ति चोर पत्ता लगाउनेहरुलाई १० हजार (भारु) दिने बताएका थिए । यस्तै चोरीपछि दिगम्बर जैन समाजका व्यक्तिहरु रिसाएका थिए । उनीहरुले मुर्ति चोरलाई पक्राउ गरेर कारबाही गर्न माग गर्दै आएका छन् ।