निरेम म्युजिक फेस्ट २०२५ स्थगित भयको छ।

नेपालमा गत ८ र ९ सेप्टेम्बरमा भएका आन्दोलन र त्यसका अल्पकालीन तथा दीर्घकालीन असर, साथै स्वदेशमा विद्यमान पीडादायी अवस्थालाई मध्यनजर गर्दै, निरेम ग्रुप अफ कम्पनी अन्तर्गतको निरेम प्रोडक्सनले आगामी डिसेम्बर १२ मा आयोजना हुने भनिएको “निरम म्युजिक फेस्ट २०२५” अर्को सूचना नआएसम्मका लागि स्थगित गर्ने निर्णय गरेको छ।

प्रोडक्सनका प्रमुख प्रेम जिमीका अनुसार करिब ५० प्रतिशत तयारी पूरा भइसकेको भए पनि, नेपालको विषम परिस्थिति र आगामी छ महिनाभित्र अन्तरिम सरकारले निर्वाचन सम्पन्न गर्नुपर्ने बाध्यतापूर्ण अवस्थाका कारण यो कदम चाल्नुपरेको हो।

यसअघि निरम प्रोडक्सनले सन् २०२३ र २०२५ मा दुईवटा भव्य संगीत समारोह सफलतापूर्वक सम्पन्न गरिसकेको छ ।