‘गुणस्तरीय शिक्षालाई सरकारले विशेष प्राथमिकतामा राखेको छ’

काठमाडौं, २२ जेठ । प्रधानमन्त्री केपी शर्मा ओलीले सरकारले आगामी वर्षबाट शिक्षालाई विशेष प्राथमिकता दिएर योजना तथा कार्यक्रम ल्याउने बताएका छन् ।

मंगलबार राजधानीमा बाल शिक्षाबारे आयोजित एक अन्तर्राष्ट्रिय गोष्ठीलाई सम्बोधन गर्दै प्रधानमन्त्री ओलीले यस्तो बताएका हुन् । उनले भने, ‘राजनीतिक संक्रमण काल अन्त्य गर्दैछौ । अब शिक्षासँगै विकासको गतिमा अघि बढ्नुपर्छ ।’

उनले गुणस्तरीय शिक्षालाई सरकारले विशेष प्राथमिकतामा राखेको उल्लेख गेदै भने, ‘९० प्रतिशत बालबालिकाको दिमाख ५ वर्षको उमेरमा विकास हुन्छ । त्यो समयमा अभिभावककासाथै समाज र राज्यले पनि उपयुक्त ध्यान दिनुपर्छ ।’