आयल निगमका विवादित प्रमुख गोपाल खड्काद्वारा राजीनामा

काठमाडौं। नेपाल आयल निगमका विवादित कार्यकारी निर्देशक गोपाल गड्काले राजीनामा दिएका छन् । उनले बिहीबार पत्रकार सम्मेलन आयोजना गरी राजीनामा दिएका हुन् ।

निगमको तेल भण्डारण स्थल बनाउन जग्गा खरिद गर्दा अनियमितता गरेको आरोप लागेपछि उनी विवादित बनेका थिए । लगत्तै उनलाई सरकारले बर्खास्त गर्ने निर्णय गरेको थियो । तर, सर्वोच्च अदालतले उनलाई पुनर्बहाली गरेको थियो । पुनर्बहालीसँगै उनलाई मन्त्रालय तानिएको थियो । खड्काले राजीनामा दिँदै आफूलाई देशी विदेशी शक्तिले काम गर्नै नदिएको आरोप लगाएका छन् ।