इंङ्ल्याण्डको सानदार खेल प्रदर्शन, कोस्टारिका पराजित

एजेन्सी, २५ जेठ । गएराति भएको विश्वकप मैत्रीपुर्ण खेलमा इंङ्ल्याण्डले कोस्टारिकालाई २-० गोलले पराजित गरेको छ ।यसपटकको विश्वकप दाबेदार मानिएको इंङ्ल्याण्डको टोली उच्च फर्ममा रहेको छ ।इंङ्ल्याण्डका लागि खेलको १३ औ मिनेटमा मार्कस र्यासफोर्डले गोल गरेका थिए ।

कोस्टारिकाले केही अवसरहरु सिर्जना गरेतापनि गोल भने गर्न सकेन ।दोस्रो हाफमा पनि इंङ्ल्याण्ड उत्तिकै बलियो देखियो । खेलको ६८ औ मिनेटमा ड्यानी वेलबेकले सानदार गोल गरे । यो जितसँगै इंङ्ल्याण्डले विश्वकपका लागि बलियो तयारी गरेको प्रतिक्रिया दिएको छ ।ग्रप जीमा रहेको इंङ्ल्याण्डले पनामा, बेल्जियम र ट्युनिसियासँग विश्वकपमा बलियो प्रतिस्पर्धा गर्दैछ ।