माछा बेचेर वार्षिक डेढ करोड रुपैयाँ आम्दानी

चितवन – चितवनको खैरहनी नगरपालिका–१२ चिसाहानीका हरि अर्यालले १३ वर्षअघि माछापालन शुरू गर्नुभयो । साथीभाइले माछापालन गरेको देखेर उहाँले पाँच कठ्ठा जमिनमा पोखरी खनेर माछापालन शुरू गर्नुभएको हो ।

शुरुआती कठिनाइका बाबजुद अर्यालले माछापालनलाई व्यावसायिक रूपमा विस्तार गर्नुभयो । पछि राम्रो हुँदै गएपछि उहाँले २०७३ सालमा चार बिघा जमिन थपेर ६ प्रजातिका माछापालन गर्न थाल्नुभयो । अहिले चार बिघा जमिनको जलाशयमा माछा छन् ।

उहाँले वार्षिक एक करोड ५० लाख रुपैयाँको माछा बिक्री गर्नुहुन्छ । खर्च कटाएर ७० लाख रुपैयाँभन्दा धेरै नाफा हुने गरेको अर्यालले बताउनुभयो । अर्यालले माछापालनमा आधुनिक प्रविधिको प्रयोग गर्दै उत्पादन र बिक्रीमा ध्यान दिनुभएको छ ।

उहाँले उत्पादन गरेका माछा चितवनसहित काठमाण्डौ, पोखरा, बुटवललगायत शहरमा बिक्रीका लागि पुग्ने गर्छ । उज्यालो