चुनावकाे वातावरण बिग्रिँदै गएकाे भन्दै एमालेकाे चिन्ता

काठमाण्डाै – नेकपा एमालेले प्रतिनिधिसभा चुनावको वातावरण बिग्रिँदै गएको भन्दै चिन्ता व्यक्त गरेको छ ।

पार्टी केन्द्रीय कार्यालय च्यासलमा आज आयोजित पत्रकार सम्मेलनमा पार्टी प्रचार विभाग प्रमुख तथा निर्वाचन प्रचार समितिका संयोजक मीनबहादुर शाहीले सरकारले भरपर्दो शान्ति–सुरक्षाको वातावरण बनाउन नसकेको बताउनुभयो ।

शाहीले चुनाव नजिकिँदै जाँदा देशमा भय र त्रासको वातावरण बढ्दै गएको भन्दै रौतहटको गौरमा जारी अनिश्चितकालीन कर्फ्यूले आममतदातामा थप त्रास सिर्जना गरेको उल्लेख गर्नुभयो । उहाँले निर्भीक ढङ्गले मतदान गर्ने अधिकार सुनिश्चित गर्न सरकारसँग माग गर्नुभयो ।

एमालेका प्रमुख नेताहरू उम्मेदवार रहेका क्षेत्रमा झण्डा जलाउने, नेतृत्वविरुद्ध घृणा फैलाउने, ‘फेक’ सर्वेक्षण सार्वजनिक गरेर जनमत प्रभावित पार्ने तथा प्रचार सामग्री तोडफोड गर्ने जस्ता गतिविधि भइरहेको भन्दै एमालेले त्यसतर्फ सरकार र निर्वाचन आयोगलाई सचेत गराएको छ । उज्यालो