मेस्सीले भनेः ग्रिजम्यान बार्सिलोना आउ

एजेन्सी,२४ जेठ । बार्सिलोनाका स्टार खेलाडी लियोनल मेस्सीले एन्टोनियो ग्रिजम्यानलाई बार्सिलोनामा आउन आग्रह गरेका छन् ।एट्लेटिको मड्रिडमा लामो समय बिताएका उनी पछिल्लो समय उच्च फर्ममा रहेका छन् ।मेस्सीले ग्रिजम्यान उत्कृष्ट खेलाडी समेत भएको बताएका छन् । सन् २०१७-१८ को युरोपा लिग उपाधि जिताउन महत्वपुर्ण भुमिका खेलेका उनले यस सिजन २९ गोल गरेका थिए ।

मिडिया रिपोर्टका अनुसार उनको रिलिज क्लज १०० मिलियन युरो रहेको छ ।पाँच पटक बेलोन डिओर जितेका लियोनल मेस्सी बार्सिलोना क्लबमा अझै गुणस्तर चाहन्छन् । यही कारण पनि उनीले ग्रिजम्यान बार्सिलोना आउनुपर्ने बताएका छन् ।

मेस्सीले भनेका छन्,’उनी उत्कृष्ट खेलाडी हुन् । हामी एक अर्कालाई बुझ्न पनि सक्छौ । हामी विश्वकै उत्कृष्ट टोली बन्न चाहन्छौ । बार्सिलोना त्यही कारण पनि उत्कृष्ट खेलाडीको खोजीमा रहेको छ ।’