अभिनेत्री दीपिका पादुकोण बस्ने टावरमा भिषण आगलागी, क्षतिको विवरण भने आँउन बाँकी

भारतीय अभिनेत्री दीपिका पादुकोण बस्ने मुम्बईमा रहेको ३३ तलाको बिल्डिङमा भिषण आगलागी भएको छ । भारतिय मिडियाका अनुसार बिउमण्डे नामको बिल्डिङको ३२ औं तलामा आगलागी भएको बताइएको छ ।

आगो निभाउनका लागि घटनास्थलमा प्रहरीका साथै दर्जनौँ दमकल खटाइएका छन । आगलागी भएको तला पूर्णरुपमा क्षतिग्रस्त भइसकेपनि अहिलेसम्म कुनै मानविय क्षति भने भइनसकेको बताइएको छ ।

बिल्डिङको २८ औं तलामा अभिनेत्री दीपिका पादुकोणको फ्ल्याट रहेको छ । आगलागीको समयमा अभिनेत्री दीपिका घरमा थिइनन् ।दीपिकाले सन् २०१० मा १६ करोड रुपैयाँमा उक्त बिल्डिङको फ्ल्याट किनेकी थिइन् । दिपिका भने विज्ञापनको छायाँकंनका लागि घर बाहिर गएको बताइएको छ ।