चितवनको चुम्लिङटारमा एकाबिहानै सवारी दुर्घटना, ३ जनाको मृत्यु

चितवन, १ असार । चितवनको चुम्लिङटारमा शुक्रबार एकाबिहानै सवारी दुर्घटना भएको छ । उक्त दुर्घटनामा परी ३ जनाको मृत्यु भएको छ भने ७ जना घाइते भएका छन् ।

काठमाडौंबाट मुग्लिनतर्फ आउँदै गरेको ना ६ ख ४०६४ नम्बरको ट्रकले पोखराबाट काठमाडौंतर्फ जाँदै गरेको ग १ ख ७६९२ नम्बरको माइक्रोबसलाई पानीधारा भन्ने स्थानमा बिहान ०७ः२५ बजे ठक्कर दिँदा दुर्घटना भएको हो ।चितवन प्रहरीका अनुसार, ३ जनाको दुर्घटनामा मृत्यु भए पनि सनाखत हुन सकेको छैन ।घाइतेहरुलाई उपचारका लागि अस्पतालतर्फ लगिरहेको प्रहरीले जनाएको छ ।