विश्वकप विशेषः स्पेन भर्सेस पोर्चुगल, कुन टिम कति तगडा ?

एजेन्सी, १ असार । विश्वकपमो पुर्वसन्ध्यामा प्रशिक्षक बर्खास्त गरेको स्पेनले यस विश्वकपमा कस्तो खेल प्रदर्शन गर्ने सबैको चासोको विषय बनेको छ । सन् २०१४ को विश्वकपमा स्पेनको यात्रा सुखद रहेन । स्पेन समूह चरणबाटै बाहिरिएको थियो । तर, पछिल्लो समयमा स्पेन निकै लयमा देखिएको फुटबल विश्लेषकहरु बताउँछन् । यसपटकको विश्वकपमा भने स्पेन विश्वकप दाबेदारका रुपमा लिइएको छ ।

आगामी विश्वकपको लागि स्पेनले २३ सदस्यिय खेलाडी घोषणा गरेको छ । खेलाडी सूचीमध्ये १७ जना ला लिगा खेल्ने खेलाडी रहेका छन् । आन्द्रेज इनियष्टा, सर्जियो बुस्क्वेट्स, जेरार्ड पिके र जोर्डी अल्बाजस्ता खेलाडीहरु उच्च फर्ममा रहेका छन् ।स्पेनले विश्वकप सुरु हुन एक दिन अगाडि नियुक्त गरेका फर्नानडो हिइरोले स्पेनलाई कहाँ पुर्याउने हुन् सबैको चासोको विषय बनेको छ ।

खेलाडी सूची

गोलकिपरः

डी गेया, रैना र केपा

डिफेन्डरः

कार्भाहाल, ओडिरियोजोला, पिके, रामोस, नाचो, एज्पेइलोकोयटा, जोर्डी अल्बा र मोन्रियल

मिडफिल्डरः
बुस्क्वेट्स, साउल, कोके, थियागो, इनियष्टा र सिल्भा

फरवार्डः
इस्को, एसेन्सियो, भास्क्वेज, आइगो आसपास, रोड्रिगो र डिएगो कोस्टा

पोर्चुगल : पोर्चुगल पनि २०१८ को विश्वकप फुटबलको उपाधि दाबेदार राष्ट्रकै रुपमा गनिन्छ । सन् १९६६ बाट विश्वकप खेल्न थालेको पोर्चुगलले अहिलेसम्म ६ पटक विश्वकप खेलिसकेको छ ।पहिलो पटक सहभागिता जनाएको विश्वकपमै पोर्चुगलले उत्कृष्ट प्रदर्शन गर्दै तेस्रो स्थानसम्म ओगटेको थियो ।सन् २०१६ को युरो कपको फाइनलमा फ्रान्सलाई पराजित गर्दै पोर्चुगलले उपाधि चुमेको थियो । कप्तान क्रिस्टियानो रोनाल्डो, नानी, पेपे, रिकार्डो क्वारिस्मा जस्ता स्टार खेलाडीहरूको बाहुल्यता रहेको पोर्चुगल पनि बलियो टिममै गनिएका छन् ।

आन्द्रे सिल्भा : सन् २०१५ मा न्युजिल्याण्डमा भएको यू–२० विश्जकप प्रतियोगितामा उत्कृष्ट प्रदर्शन गर्दै टोलीलाई महत्वपूर्ण सफलता दिलाएका आन्द्रे सिल्भा पनि यस पटकको विश्वकपमा धेरैको आँखामा परेका खेलाडी हुन् । यू–२० विश्वकपमा भएको पाँच खेलमा उनले चार गोल गरेका थिए । साथै दुई गोलमा सहयोगीको भूमिका निर्वाह गरेका थिए । जसको प्रदर्शनको सहयोगमा पोर्चुगल विश्वकपमा अन्तिम आठमा पुगेको थियो । एसी मिलानबाट आफ्नो व्यावसायिक फुटबल खेलिरहेका यी २२ वर्षीय खेलाडीले यसपटकको विश्वकपमा क्रिस्टियानो रोनाल्डोको सहयोगीको भूमिका निर्वाह गर्नेछन् । उनले पोर्चुगलबाट खेलेको २० खेलमा ११ गोल गरिसकेका छन् ।

प्रशिक्षक फर्नाल्डो सान्तोष : पूर्व खेलाडी फर्नान्डो सान्तोषले विश्वकपमापोर्चुगलको टोलीको प्रशिक्षकको भूमिका निर्वाह गर्नेछन् । यसअघि ग्रिसको राष्ट्रिय टोलीलाई प्रशिक्षण दिएका उनी सन् २०१४ मा पोर्चुगलको टिम सम्हाल्न आएका हुन् । उनले सम्हालेको टोलिले सन् २०१६ को यूरोकप विजेता पनि बनायो । सम्झौता अनुसार उनले सन् २०२० सम्म पोर्चुगलको टिम सम्हाल्नेछन् ।

खेलाडी सूची : गोलकिपर
रुई पेट्रिरिको (स्पोर्टिङ)
बेटो(गोजटेपे)
एन्थोनी लोपेज (लियोन)

डिफेन्डर : सेडरिक सोयरिस (साउथह्याप्टन)
रिकार्डो पेरेरिया (पोर्तो)
मारियो रुई (नापोली)
पेपे (बेसिक्टास)
जोसे फोन्टे (डालियान याफाङ्ग)
ब्रुनो आल्भेज (रेन्जर्स)
राफेल गरेरियो (डर्टमण्ड)
रुवेन डायस (बेन्फिका)

मिडफिल्डर : विलियामकार्भाल्लो (स्पोर्टिङ)
एड्रियन सिल्भा) (लेस्टर सिटी)
जाओ मारियो (वेष्ट हाम)
जाओ माउटिन्हो (मोनाको)
म्यानुअल फर्नान्डेज (लोकोमोटिभ मस्को)
ब्रुनो फर्नान्डेज (स्पोर्टिङ)

फरवार्ड : क्रिस्टियानो रोनाल्डो (रियल मड्रिड)
आन्द्रेस सिल्भा (एसी मिलान)
जेल्सन मार्टिन्स(स्पोर्टिङ)
रिकार्डो(बेसिक्टास)
बर्नाडो सिल्भा (म्यान्चेस्टर सिटी)
गोन्कालो गुडेस (भ्यालेन्सिया)