भविष्यमा २५ घण्टाको हुनेछ १ दिन, चन्द्रमाका कारण हुँदैछ ठूलो परिवर्तन

एजेन्सी। जिन्दगीमा बढ्दो भागदौडका कारण मानिसहरुलाई दिनमा २४ घण्टा पनि कम लाग्छन् । हामीले केही व्यक्तिहरुले ‘दिनमा केही घण्टा अझै बढी भए…’ भनेको सुनेका पनि छौं । अबका केही वर्षमा भने वास्तवमै दिनमा २५ घण्टा हुने बताइएको छ । भूगर्भशास्त्रीका अनुसार भविष्यमा दिन २४ घण्टाको नभइ २५ घण्टाको हुनेछ । यसको पछाडिको कारण चन्द्रमाको मन्द गति भएको बताइएको छ । जसका कारण दिन विस्तारै लामो हुँदैछ ।

अर्बौं वर्षदेखि पृथ्वीको वरिपरि घुमिरहेको चन्द्रमा र पृथ्वीको दूरी विस्तारै बढिरहेको छ । अर्कोतर्फ चन्द्रमाको गतिको कारण पृथ्वीमा दिन विस्तारै लामो हुँदै गइरहेको छ । करिब १.४ अरब वर्ष पहिले चन्द्रमा र पृथ्वीबीचकोदूरी निकै कम थियो । त्यतिबेला पृथ्वीमा मात्रै १८ घण्टा ४१ मिनेटको दिन हुन्थ्यो । यो दूरी बढ्दै गएपछि अहिले १ दिनमा २४ घण्टा हुन्छन् । भविष्यमा यो दूरी अझै बढ्ने भएकोले पृथ्वीमा दिन अझै लामो हुनेछ ।

अमेरिकाको युनिभर्सिटी अफ भिस्कोसिन मेडिसिनका भूगर्भ वैज्ञानिक स्टिफन मेयर्सले आफ्नो अध्ययनको माध्यमबाट पृथ्वीको घुमाइ र चन्द्रमाको अवस्थितिको आपसी सम्बन्ध बताएका छन् । मेयर्सका अनुसार आफ्नो मन्द गतिका कारण जति भन्द्रमा पृथ्वीबाट टाढा हुँदैछ पृथ्वीको गति पनि घटिरहेको छ । किनकि ब्रह्माण्डमा पृथ्वीको गति अन्य ग्रहबाट प्रभावित हुन्छ । लाखौं वर्षदेखि पृथ्वी र चन्द्रमाको बीचको दूरीको अध्ययन गर्दा थाहा भएको छ कि यी दुई पिण्डबीच दूरी बढिरहेको छ ।