अजिंगरले आमालाई जिउँदै निलेपछि छोराहरुले यसरी निकाले

एजेन्सी। इण्डोनेसियाको दक्षिणपूर्वी सुलावेसीमा निकै आश्चर्यजनक घटना भएको छ । खेतीको कामका लागि घरबाट निस्केकी एक महिलालाई एउटा अजिंगरले जिउँदै निलेको छ । लामो समयसम्म महिला घर नफर्केपछि परिवारले उनको खोजी सुरु गरे । घटना १४ जूनको भएको बताइएको छ । अजिंगरको आक्रमणको शिकार भएकी महिलाको नाम ‘वा टिबा’ भएको बताइएको छ । उनी लामो समयसम्म घर नपुगेपछि उनका परिवार चिन्तित भए । भोलिपल्ट उज्यालो हुनासाथ खोजी सुरु गरियो । केही बेरमै टीबाको चप्पल, कोदालो र टर्च झाडीमा भेटियो । तर यसपछि जे भयो त्यो निकै डरलाग्दो थियो ।

टीबाका छोराछोरीले देखे कि त्यहाँबाट थोरै दूरीमा एउटा विशाल अजिंगर थियो जसको पेट निकै फुलेको थियो । अजिंगलरले सबैभन्दा पहिले महिलाको टाउकोमा आक्रमण गर्यो र खायो । पूरै महिलालाई निलेका कारण ऊ आफ्नो साधारण गतिमा पनि हिँड्न सकिरहेको थिएन । यस्तो देखेपछि त्यहाँ भएका सबै निकै डराए । बिहान ९ बजेसम्म त्यहाँ सयौं मानिसहरु जम्मा भए ।

त्यहाँ जम्मा भएका मानिसहरुले अजिंगरलाई मारेर उसको पेट चिरे । अजिंगरले सबैभन्दा पहिले महिलाको टाउको खाएको थियो जसका कारण उनको टाउको अजिंगरको तल्लो भागमा भेटियो । महिलाको पूरा शरीर कपडासमेत अजिंगरभित्र भेटियो । अजिंगरको लम्बाइ करिब २७ फिट भएको बताइएको छ । महिलालाई भने जीवित निकाल्न नसकिएको बताइएको छ ।