सरकारमा सहभागिताबारे विवादबीच छलफलमा राजपा

काठमाडौं, ४ असार । सरकारमा जानेरनजाने बारे निर्णय गर्न राष्ट्रिय जनता पार्टी (राजपा) को बैठक आज पनि बस्दैछ ।अध्यक्ष मण्डलका सदस्यहरुले आज सरकार जाने नजाने विषयमा निर्णय गर्नेछन् । पार्टी भित्रै विवाद भएपछि निर्णय हुने सकेको छैन । पार्टीभित्र सरकारमा जाने कि नजाने भन्ने विषयमा विवाद छ । केही नेताहरु सरकारमा सहभागिताको पक्षमा सशक्तरुपमा उभिएका छन् भने केही नेताहरु सरकारमा सहभागी हुन नहुने पक्षमा उभिएका छन् ।

शुक्रबार बिहान राजपा अध्यक्षले प्रधानमन्त्री केपी ओलीसँग फोनवार्ता गरेपछि आन्तरिक छलफलका लागि आज ३ अध्यक्ष मण्डलका सदस्यहरुलाई बोलाएका थिए । अध्यक्ष मण्डलका संयोजक महन्थ ठाकुरले सरकारमा जाने विषयमा संयोजन गरिरहेका छन् ।