होटलभित्र महिला र पुरुषको हत्या कि आत्महत्या ?

भक्तपुर, असार । भक्तपुरको सूर्यविनायक नगरपालिका– ९ स्थित बाँसघारीमा रहेको एक होटलको कोठाभित्र महिला र पुरुष मृत फेला परेका छन् ।गारनिस होटलको कोठा नम्बर २०३ मा मंगलबार कोठा लिएर बस्न आएका ती जोडीहरु बुधबार अवेरसम्म पनि ढोका नखुलेपछि होटल संचालकले प्रहरीलाई खबर गरेका थिए ।

प्रहरीको रोहवरमा ढोका खोली हेर्दा युवतीको शव खाडमा रगताम्मे अवस्थामा मृत फेला परेकी हुन् भने युवक बाथरुममा प्लास्टिकको बेल्टले घाँटीमा पासो लगाएर झुण्डिएको अवस्थामा फेला परेका हुन् ।

मृत्यु हुनेहरुमा भक्तपुर नगरपालिका–३ का ३० वर्षीय जीवन तोयना श्रेष्ठ र भिमेश्वर नगरपालिका–८ बोच दोलखाकी २२ वर्षीया मुन्नी तामाङ मृत रहेको प्रहरी परिसर भक्तपुरका निमित्त सूचना अधिकारी प्रहरी निरीक्षक सुशिलकुमार पाण्डेले जानकारी दिए । घटनाबारे अनुसन्धान भइरहेको प्रहरीले जनाएका छन् ।