अर्जेन्टिनाको लज्जास्पद हारपछि सामपाओलीले दिए यस्तो प्रतिक्रिया

काठमाडौं, ८ असार । अर्जेन्टिनाका प्रशिक्षक साम्पावलीले क्रोएशियासँगको हारपछि समर्थकहरु समक्ष माफी मागेका छन् ।गएराति सम्पन्न खेलमा अर्जेन्टिना क्रोएशिसँग ३–० गोलले पराजित भएपछि उनले सम्पुर्ण खेलको जिम्मेवारी लिदै मिडियासामु माफी मागेका हुन् ।उनले भनेका छन् ‘खेल हार्नुमा मेरो दोष छ, अर्जेन्टिनाका समर्थकहरु मलाई क्षमा गरिदिनुहोस् ।’

खेलको रणनीति ठीक नभएको, ३–४–३ बनाउनाले खेलमा गतिलो प्रभाव नपरेको, सर्जियो अगुइरोलाई मैदानबाट निकाल्ने जस्ता गलत निर्णय भएको उनले बताएका छन् ।
लियोनल मेसीको भने बचाउ गर्दै उनले भनेका छन्,अन्य खेलाडीहरु राम्ररी चल्न नसक्दा मेसीको खेल्ने एरिया थोरै भयो ।अब अर्जेन्टिनाले झिनो आशाका साथ नाइजेरियासँग आमने सामने गर्नेछ ।