अब पुरुषले पनि नर्सिङ पढ्न पाउने

काठमाडाैं, १० असार ।  नेपाल नर्सिङ काउन्सिलले यो शैक्षिक सत्रदेखि  पुरुषहरुलाई पनि नर्सिङ अध्ययन गर्न पाउने व्यवस्था गरेको छ । काउन्सिलको असार ५ गतेको बैठकले शैक्षिक सत्र २०७५/७६ देखि लागू हुने गरी १५ प्रतिशत पुरुषलाई नर्सिङ अध्ययनमा समावेश गराउने निर्णय गरेको छ।

नेपाल नर्सिङ काउन्सिलको  यो निर्णयसँगै अव नर्सिङ कलेजहरुले कुल विद्यार्थी भर्नामध्ये कम्तिमा १५ प्रतिशत पुरुषलाई भर्ना गर्न पाउने भएका छन् ।यस अघि नेपाल नर्सिङ संघले पनि नर्सिङ अध्ययनमा पुरुषलाई कोटा दिनुपर्ने माग राख्दै आएको थियो । नर्सिङ क्षेत्रका समस्या समाधानका लागि स्वास्थय मन्त्रालयले गठन गरेको  समितिले पनि नर्सिङ अध्ययनमा पुरुषलाई अवसर दिनुपर्ने सुझाब दिएको थियो।