पाल्पामा जिपको ठक्करबाट १४ वर्षीय किशोरीको मृत्यु

रामपुर, पाल्पा । जिपको ठक्करबाट १४ वर्षीय एक किशोरीको मृत्यु भएको छ। रैनादेवी छहरा गाउँपालिका–४ अमलावासमा बोलेरो जिपको ठक्करबाट अन्दाजी १४ वर्षीय विपना काफ्लेको मृत्यु भएको हो।

विद्यालयबाट घर फर्कदै गरेकी उनलाई सडक पार गर्ने क्रममा छहराबाट सदरमुकाम तानसेनतर्फ आउँदै गरेको लु १ प ७७६२ नंको जिपले ठक्कर दिएको थियो। जिपको ठक्करबाट गम्भीर घाइते बनेकी किशोरीको उपचारका क्रममा जिल्ला अस्पताल पाल्पामा मृत्यु भएको जिल्ला प्रहरी कार्यालयका सूचना अधिकारी विनोद घिमिरेले जानकारी दिए।