हेर्नुहोस् ,भयानक दुर्घटनाः भीरबाट बस खस्दा ४५ जनाको मृत्यु, चारैतिर छरिए लाश,

आज बिहान ९ बजे भारतमा ठुलो दुर्घटना भएको छ । दुर्घटनामा परी ४५ जनाको ज्यान गएको छ भने ८ जना घाइते भएका छन् । भारत उत्तराखंग राज्यको पौडी-गढवालमा भयानक बस दुर्घटना भएको छ । बसमा अत्याधिक यात्रु भएको कारण अनियन्त्रित भएर भीरबाट खसेको बताइएको छ ।दुर्घटनामा घाइतेहरुको उद्धारको लागि हेलिकप्टर परिचालन गरिएको छ । घाइतेहरुलाई स्थानीय अस्पतालबाट दून ल्याइँदै छ ।

दुर्घटना आज बिहान ९ बजेतिर भएको थियो । युके १२ सी ०१५९ नम्बरको बस भौनबाट रामनगर गइरहेको भारतीय दैनिक जागरणले जनाएको छ । उद्धार टोलीले घाइतेहरुलाई धुमाकोट अस्पताल भर्ना गराएको र त्यहाँबाट दून लैजान हेलिकप्टर परिचालन गरिएको हो । बस अत्याधिक यात्रुले खचाखच भरिएकोले अनियन्त्रित भएको अनुमान गरिएको छ । बस सडकबाट ६० मिटर तल खसेको छ । जिल्ला विपद कन्ट्रोल रुमले ४५ जनाको मृत्युको पुष्टि गरेको हो ।