महिला हिंसा मिलाउन खोज्नेलाई कारवाही हुन्छ: प्रधानमन्त्री ओली

काठमाडौं,  असार । प्रधानमन्त्री केपी शर्मा ओलीले बढ्दो महिलालाई दवाउन खोज्नेलाई कारवाही हुने बताएका छन् । प्रदेश नम्बर २ का सांसदहरुसँग बालुवाटारमा भेटघाटका क्रममा प्रधानमन्त्री ओलीले महिला हिंसा गर्नेलाई पनि र महिला हिंसाका दोषीलाई जोगाउन खोज्नेलाई पनि कारवाही हुने गरिने उल्लेख गरे ।

बढ्दो महिला हिंसासँगै दोषीलाई बचाउने काम भइरहेको हुँदा त्यस्ता ठाउँमा जनप्रतिनिधिहरुले मिलापत्र गराउन खोज्नु बेठिक भएको भन्दै उनीहरुलाई पनि कारवाही हुने बताएका छन् ।प्रधानमन्त्री ओलीले भने, ‘महिला हिंसा जस्ता मुद्दामा मिलापत्र गराउन खोज्नेलाई पनि कारबाही हुन्छ ।’

ओलीले विकास र समृद्धिका लागि जगबाटै सुधार गर्नुपर्ने बताएका छन् । प्रदेश नम्बर २ को विकास, समृद्धि, शिक्षा, स्वास्थ्य, सामाजिक सुधारका विषयमा असस्या रहेकाे नेकपाका सांसदहरुले धारणा व्यक्त गरेका छन् ।