‘फ्रान्सले यो सुनौलो मौका गुमाउनु हुँदैन’

काठमाडौँ, २९ असार । फ्रान्सका स्टाइकर ओलिभर जिरुले यस विश्वकपमा पाएको मौका नगुमाउन आफ्ना साथीहरुलाई आग्रह गरेका छन् ।सन् २०१६ को युरो कपको फाइनलमा फ्रान्स पोर्चुगलसँग पराजित भएको थियो । तर, यसपटकको विश्वकपको फाइनल खेललाई गम्भिरताका साथ लिन उनले आग्रह गरेका छन् ।

आइतबार राति फ्रान्स क्रोयसियासँग आमने सामने गर्दैछ । फ्रान्सले अर्जेन्टिना, उरुग्वे र बेल्जियमजस्ता देशहरुलाई पराजित गर्दै विश्वकप यात्रा तय गरेको हो ।उनले भनेका छन्, ‘अब हामीले एउटा खेल जित्न सके विश्वकप उपाधि जित्नेछौ । क्रोयसिया एउटा बलियो प्रतिस्पर्धी हो  उसलाई हल्का रुपमा लिनु हाम्रो कमजोरी हुनसक्छ ।’

जिरुले यस विश्वकपमा गोल गर्न सकेका छैनन् । उनले बेल्जियमविरुद्ध सुनौला अवसरहरु गुमाएका थिए । उनले भनेका छन्, ‘मैले बेल्जियमविरुद्ध अवसरहरु गुमाएको थिए । तर, फाइनल खेलमा त्यस्तो नहोस् ।’