श्रीमानलाई क्यान्सर भएको खुलेपछि श्रीमतीले जागिर थालिन्, शंकालु श्रीमानले हत्या गरिदिए !

क्यान्सर पीडित एक श्रीमान्ले शंकाकै कारण आफ्नी श्रीमतीको हत्या गरेका छन् । ती श्रीमानले घरको छलमा श्रीमतीको घाँटी चक्कुले रेटेर हत्या गरी फरार भएका छन् । बुधबार राती घरको छतमा सुतिरहेकी श्रीमतीलाई मारेर उनी फरार भए । ती श्रीमानलाई क्यान्सर भएको ६ महिना पहिले थाहा भएको थियो । त्यसपछि उनको उपचारको खर्च जुटाउन भन्दै महिला आफ्ना दाजुको घरमा बसेर जागिर गरिरहेकी थिइन् ।

घटना भारतको नोएडाको हो । जागिरका क्रममा ती महिलाले कम्पनीका केही पुरुष कर्मचारीसँग कुरा गर्थिन् । यही कुराले उनका पतिले उनीमाथि शंका गरेका थिए । यही कारण उनको हत्या गरे । ममता नाम गरेकी ती महिलाको बिहे अजय नामका युवकसँग भएको थियो । मृतक ममताका दाजु राहुलले अजयविरुद्ध प्रहरीमा किटानी जोरी दिएका छन् । प्रहरीले आरोपीको खोजी भइरहेको जनाएको छ ।

राहुललाई क्यान्सर भएको थाहा पाएपछि ममता निकै चिन्तित भएको दाजु राहुलले बताएका छन् । उनको उपचार खर्च जुटाउनकै लागि ममताले जागिर गर्ने इच्छा देखाएकी थिइन् । त्यसपछि उनी ३ महिना पहिले आफ्ना छोरा र छोरीसँगै दाजुको घरमा आएर जागिर गर्न थालेकी थिइन् । राहुलका अनुसार केही पैसा जम्मा गरेपछि एक हप्ता पहिले ममताले आफ्ना पतिलाई उपचारको लागि बोलाएकी थिइन् । बुधबार दिल्लीको एम्स अस्पतालमा उपचारको लागि जानुपर्ने थियो ।

ममताले जागिर गरेको विषयमा केही दिनदेखि उनीहरुको विवाद भएको थियो । मंगलबार राती २ बजे उनीहरु कुरा गर्दै थिए । यत्तिकैमा गर्मी भएपछि उनीहरु छतमा सुत्न गए । बुधबार बिहान ५ बजे ममताले जोडले चिच्याएको आज सुनेपछि अन्य सदस्य छतमा गए । त्यही बेला अजय दौडिँदै छतबाट तल ओर्लेर भागे । छतमा ममता रगताम्य थिइन् । उनलात्इ तत्काल अस्पताल लगियो जहाँ डाक्टरले उनलाई मृत घाषित गरे ।