अछाममा मतदातालाई कुटपिट र गालीगलौज गर्ने वडाअध्यक्ष पक्राउ

अछाम, ५ साउन । अछामको पञ्चदेवल विनायक नगरपालिका वडा नम्बर ४ कालिकास्थानका वडा अध्यक्ष सज्जन बहादुर शाहीलाई प्रहरीले पक्राउ गरेको छ । शाहीलाई शुक्रबार पक्राउ गरी अनुसन्धान सुरु गरिएको अछामका डिएसपी रुकेश तण्डुकारले जानकारी दिए । स्थानीय दुर्गा बोहरा, पबि बोहरा, धनबहादुर बोहरा, पदम माझी लगायतले सडक निर्माणमा आफ्नो जग्गा पर्ने भन्दै असहमति जनाएपछि वडा अध्यक्ष शाहीले कुटपिट तथा गालि गलौज गरेकाले प्रहरीको सहायता लिएको पीडितले बताए ।

डोजरको जथाभावी प्रयोगले जिल्लाका विभिन्न बस्ती समेत जोखिममा परी भूक्षय को समस्या निम्तिरहेका बेला वडा अध्यक्ष लगायत जनप्रतिनिधिबाटै डोजर प्रयोगलाई बढावा दिने काम भइरहेको भन्दै स्थानीयले विरोध गरेका छन् ।नगरपालिकाको ४० लाखको सहयोगमा कुज्जेडा–आलि–खुलालु (कालिकोट) जोड्ने सडक उपभोक्ता समितिमार्फत् निर्माण भईरहेको छ ।