डा. केसीको समर्थनमा काठमाडाैंमा सामुहिक सत्याग्रह शुरु

काठमाडाैं, ६ साउन ।  डाक्टर गोविन्द केसीको समर्थनमा अाइतबारदेखि काठमाण्डाैंमा सामुहिक सत्याग्रह सुरु हुने भएको छ । काठमाडाैंको वसन्तपुर डबलीमा सामूहिक सत्याग्रह हुने भएको हो ।

सोलिडारिटी फर डाक्टर केसी एलाइन्सले गर्न लागेको सत्याग्रह बिहान १० देखी साँझ ५ बजेसम्म जारी रहने आयोजकले बताएको छ । सरकारले भने मन्त्री तहमा नै वार्ता गर्ने तयारी गरेको छ । तर पहिला माग पूरा हुने ग्यारेन्टीपछि मात्रै वार्ता गर्नेजस्तो सर्त राखेका कारण अप्ठ्यारो भएको शिक्षा मन्त्री गिरिराजमणी पोखरेलले बताए । मन्त्री पोखरेलका अनुसार शनिबार पनि अनौपचारीक छलफल भएको छ र आज पनि छलफल गर्ने तयारी छ ।