रोल्पामा बस दुर्घटनामा चालक गम्भीर, सहचालकले भागेर ज्यान जेगाए

रोल्पा, साउन । ड्राइभरले पार्किङमा रोकेर राखेका बसलाई मालिकले चलाउँदा बस दुर्घटनामा परेको छ । दुर्घटनामा चालक तथा मालिक गम्भीर घाइते बनेका छन् भने सहचालकले गाडीबाट हामफालेर ज्यान जोगाएका छन् ।

सोमबार साँझ करिव ६ बजेतिर गाडी चालकले पार्किङमा छोडेको बसलाई बस मालिक रोल्पा नगरपालिका –४ मेबाङ जुमथानाका इन्द्रबहादुर गिरीले चलाएर घर लाने क्रममा आर्शिवाद प्रालिको ना १ ख ५५३० नम्बरको बस सडकबाट तीन सय मिटर तल खसेर दुर्घटना भएको हो ।

नेपाली सेनाको टोली बस मालिक गिरीको उद्दार गरी उपचारका लागि रेउघा अस्पताल लगिएको छ । बस दुर्घटनाका कारण एक स्थानीयको घरमा समेत क्षति पुगेको छ ।