रोनाल्डोको आगमनसँगै सेरिया ‘ए’को टिकट मुल्य ६ गुणाले बढ्ने

एजेन्सी । रोनाल्डोको आगमनसँगै इटालियन घरेलु लिग सेरिया एको टिकट मुल्य ६ गुणाले बढ्ने भएको छ । यसै सिजन रियल मड्रिड क्लबबाट इटालियन क्लब युभेन्ट्समा ११२ मिलियन युरोमा रोनाल्डो अनुबन्धित भएपछि टिकटको मुल्य ६ गुणा बढाइएको हो ।

मिडिया रिपोर्टका अनुसार रंगशालाको उत्तरको माथिको मुल्य २२.५ युरो पर्नेमा अब कम्तीमा १७८ युरो पर्नेछ । रोनाल्डोलाई कर छलीको आरोप लागेपछि उनले स्पेन छोड्ने निर्णय गरेका थिए । उनले स्पेनमा रहेको आफ्नो सम्पुर्ण सम्पत्ति समेत बिक्रि गरिसकेका छन् । कर छलीको आरोपमा उनलाई स्पेनको एक अदालतले दुई वर्षको जेल सजाय र १८.८ मिलियन यूरो जरिवाना सुनाएको थियो ।