मोबाइल हराएर तनावमा हुनुहुन्छ ? यसरी गर्नुस् अनलाइनबाटै उजुरी !

मोबाइल हराएर तनावमा हुनुहुन्छ ? हराएका मोबाइल पत्ता लगाउन यसअघि प्रहरी कार्यालय सम्म जानुपर्ने र त्यसका लागि नियमित धाउनुपर्ने बाध्यता अन्त्य हुने भएको छ । नेपाल दूरसञ्चार प्राधिकरणले पूर्ण कार्यान्वयनमा ल्याउने तयारी गरिरहेको ‘इक्विपमेन्ट आइडेन्टी रजिस्ट्रर (उपकरण पहिचान दर्ता) परियोजना अन्तर्गत हराएको मोबाइल खोज्नका लागि अनलाइनमै दर्ता गर्न सकिने व्यवस्था लागू गरेको हो ।

मोबाइल हराएको छ भने ईआईआर डट एनपीमा लग इन गर्नुपर्छ । लग इन भइसकेपछि त्यसको तलपट्टि रहेको साइन अप बटन क्लिक गर्नुपर्छ । त्यसपछि दुईवटा विकल्प उपलब्ध हुनेछ । रातो रंगको पृष्टभूमिमा लेखिएको ‘इन्डिभिजुअल एप्लिकेसन’मा क्लिक गरेपछि यहाँ उल्लेख विवरण भर्नुपर्नेछ विवरणमा आईएमआई, ईएसएन अथवा एमआईडी नम्बरमध्ये एक उल्लेख गर्नुपर्नेछ ।