६ महिनादेखि शिक्षक बेपत्ता

सिन्धुपाल्चोक, २६ साउन । हेलम्बु गाउँपालिका वडा नं २ को चित्रे आधारभूत विद्यालयका शिक्षक शिवनन्दन यादव विगत ६ महिनादेखि सम्पर्क विहिन भएका छन् ।

यादव गत माघदेखि नै विद्यालयको सम्पर्कमा आएका छैनन् । प्राथमिक विद्यालय द्वितीय शिक्षक यादव बिना जानकारी ६ महिनासम्म विद्यालयमा हाजिर नभएपछि गाउँपालिकाले हाजिर गराउन ताकेता गरेको हो । गाउँपालिकाले १५ दिने सूचना निकालेर हाजिर हुन अनुरोध गरेको छ, अन्यथा कारबाही प्रक्रिया अघि बढाउने जानकारी दिएको छ ।