प्रियंकाको परिवारसँग छोरी माग्न आफ्ना मातापिता लिएर भारत आए निक

मुम्बइ। प्रियंका चोपडाका ब्वाइफ्रेण्ड निक जोनस आफ्ना मातापितासँग भारत आइसकेका छन् । बिहीबार साँझ उनलाई मुम्बइ एयरपोर्टमा अभिभावकसँग देखियो । खबरअनुसार निक परिवारसहित प्रियंकाको पार्टीका लागि आएका हुन् । बिहेअघिको पारिवारिक समझदारीको लागि प्रियंका आफ्ना परिवार र निकको परिवारको भेट गराउन चाहन्थिन् । यही सिलसिलामा निकको पूरै परिवार भारत आएको हो ।

यो पारिवारिक भेटघाटपछि प्रियंकाको इंगेजमेन्टको पार्टी हुने अनुमान गरिएको छ । प्रियंका र निकको परिवारको आपसमा यो पहिलो भेट हुनेछ । हालै प्रियंका चोपडा डिजाइनल मनिष मलहोत्राको पार्टीमा गएकी थिइन् । यस क्रममा उनको औंलामा देखिएको औंठी चर्चाको विषय बन्यो । यो औंठीको मूल्य २ लाख डलर पर्ने बताइएको छ ।