एउटै घरबाट ३३ तोला सुन र हिराको हार चोरी

काठमाडौं, भदौ । काठमाडौं महानगरपालिका–४ टुसाल गल्ली बस्ने बुद्धमाया गुरुङको घरबाट विभिन्न देशका मुद्रा, १३ तोला सुनका गहना चोरी भएको छ । यसैगरी सोही घरमा डेरा गरी बस्ने नुवाकोट विदुर नगरपालिका–४ घर भएका हरि कोईरालाको कोठाबाट नगद ४५ हजार रुपैयाँ, २० तोला सुनका गहना, हिराको हार १ थान र थाई भाट १ हजार ६ सय चोरी भएको प्रहरीले जनाएको छ ।

दुवैजनाको गरी करीव १६ लाख ८२ हजार रुपैयाँ बराबरको धनमाल चोरी भएको प्रहरीले जनाएको छ । फरार चोरहरुको खोजी गरिरहेको प्रहरीले जनाएको छ ।