सय करोड बढी कमाएको अक्षकुमारको ‘गोल्ड’को रेकर्डलाई पनि तोड्यो ‘सत्यमेव जयते’ले

एजेन्सी । बलिउडका नायक अक्षय कुमार र जान अब्राहिमबीच लगातार प्रतिस्पर्धा चलिरहेको छ। दुवैका फिल्मले बक्स अफिसमा नयाँ रेकर्ड बनाई रहेका छन्। यस अघि हैप्पी फिर भाग जाएगी को रिलिजछि दुई फिल्मको टक्कर हुने र व्यापार घाटा हुने आशंका गरिएको थियो तर यस्तो भएन।

अक्षय कुमारको फिल्म गोल्डले अहिलेसम्म १०१.४५ करोड भारु कमाएको छ भने जान अब्राहिमको सत्यमेव जयतेले ८६.३८ करोड भारु कमाईसकेको छ। यस हिसाबमा गोल्ड अगाडि छ तर सत्यमेव जयतेको १४ औँ दिन अर्थात हिजो मंगलबारको कमाई एक करोड ४६ लाख छ भने त्यही दिन गोल्डले एक करोड भारुको मात्रै व्यापार गरेको छ । यस हिसाबले गोल्डको अगाडि सत्यमेव जयते लागेको छ।

सत्यमेव जयते अर्को एक कुरामा पनि गेल्ड भन्दा अगाडि देखिएको छ। अक्षय कुमारको गोल्डको बजेट ८० करोड हो भने सत्यमेव जयतेको कमाई ३५ ४० करोड मात्रै हो। लगानीलाई हेर्ने हो भने पनि सत्यमेव जयतेले लगानीको दोब्वर कमाई गरिसकेको छ। तर लगानीको हिसाबले भार बाकेको गोल्डले अहिलेसम्म खासै धेरै रकम उठाउन सकेको छैन। अहिलेको व्यापार रफ्तार हेर्दा गोल्डले आगामी साता लगभग ९० करोडको व्यापार गर्न सक्ने अनुमान गरिएको छ।