कञ्चनपुरमै फेरी अर्की किशोरी सामूहिक बलात्कृत, ४ युवा फरार

कञ्चनपुर,  भदौ । कञ्चनपुरकी निर्माला पन्त हत्याको घटना सेलाउन नपाउँदै कञ्चनपुरमा फेरी एक १६ वर्षीया किशोरीमाथि सामूहिक बलात्कार भएको छ। बेल्डाँडी गाउँपालिकाकी किशोरीमाथि बिहीबार राति सामूहिक बलात्कार भएको प्रहरीले जानकारी दिएको छ।

घरमा पूजा चलिरहेका बेला मोटरसाईकलमा आएका चार युवाले फोन गरेर किशोरीलाई सडकमा बोलाएको र अपहरणशैलीमा मोटरशाइकलमा हालेर घरबाट टाढा लगेर सामुहिक बलात्कार भएको प्रहरीले बताएको छ ।बलात्कार गरेर चारै युवक फरार रहेको बताईएको छ । फरारमध्ये दुईलाई किशोरिले चिनेको किशोरीलाई उदृत गर्दै प्रहरीले जनाएको छ ।घटना सम्बन्धमा अनुसन्धान भईरहेको र फरार चारै जनाको खोजीकार्य भईरहेको प्रहरीले जनाएको छ ।