चरा ठोक्किएर ग्राउण्डेडमा रहेको जहाज भोलिदेखि सञ्चालनमा

काठमाडौँ । चरा ठोक्किएर ग्राउण्डेडमा रहेको नेपाल एयरलाइन्सको जहाज भोलिदेखि सञ्चालनमा आउने भएको छ। मलेसियाबाट फर्कने क्रममा बिहीबार त्रिभुवन विमानस्थलमा चरा ठोक्किएपछि ग्राउण्डेडमा रहेको एयरबस ए ३२० ए के डब्लुले भोलिदेखि उडान भर्ने तयारी गरेको नेपाल एयरलाइन्सले जनाएको छ।

नेपाली एयरलाइन्सले ट्वीट गर्दै एयरबस कम्पनीसँग परामर्श गरी मर्मतमा रहेको ग्राउण्डेड ए ३३० आज साँझबाट सञ्चालनमा आउने र चरा ढोक्किएर ग्राउण्डेडमा रहेको ए ३२० भोलिदेखि सञ्चालनमा आउने जानकारी दिएको हो।  बिहीबार मलेसियाबाट आएको एयरबस ए३२० ए केडब्लू त्रिभुवन विमानस्थलमा अवतरण गर्दा चरासँग ठोक्किएर पखेटाको फ्लापमा क्षति पुगेको थियो।