यस्तो छ कारण ,सुन्दरी नायिका ऐश्वर्या राय बच्चनले किन पाउँदिनन् काम ?

बलिउड फिल्म उद्योगमा करिना कपूर खान, विद्या बालन, रानी मुखर्जी र काजोललगायतका अभिनेत्रीहरु अहिले पनि आफ्नो अभिनय तथा नयाँ फिल्मका मध्यमबाट दर्शकहरुको मन जित्न सफल भइरहेका छन् । अभिनेत्री तथा पूर्व विश्व सुन्दरी ऐश्वर्या राय बच्चनलाई स्टारडमको रेसमा प्रतिस्पर्धा गर्नका लागि पनि फिल्ममा अभिनय गरिरहनु जरुरी छ ।

४४ वर्षीया उनी लगतार फिल्ममा लागेमात्र आउँदा पुस्ताले उनलाई बिर्सन सक्दैनन् । उनको हातबाट लगातार फिल्म फुत्किएपछि भावी पुस्ताले उनलाई बिर्सन समय नै लाग्दैन । सन् २०१५ देखि बलिउड कमब्याक गरेकी ऐश्वर्याले दर्शकको मन जित्न सकेकी छैनन् । उनका लागि यो भन्दा पनि नराम्रो खबर यो छ कि अहिले निर्माता तथा निर्देशकहरुले समेत ऐश्वर्याका साथ फिल्म निर्माण गर्ने योजना नै बन्द गरिरहेका छन् ।

खबरहरुका अनुसार ऐश्वर्याको हातबाट फिल्महरु फुत्किदैछन् । कहानीअनुसार नभएर आफ्नो रुप अनुसार फिल्मको स्क्रिप्ट बदल्दा ऐश्वर्याको हातबाट पनि फिल्म फुत्किएको विश्लेषकको भनाइ छ । कहानीअनुसार नभएर आफ्नो रुप अनुसार फिल्मको स्क्रिप्ट बदल्दा ऐश्वर्याको हातबाट पनि फिल्म फुत्किएको विश्लेषकको भनाइ छ ।

उनले आफूसमक्ष आउने फिल्मलाई आफ्नो मर्जी अनुसार लेखाएकी थिइन् । र उनको हातबाट फिल्म फुत्किएको हो । अगस्टको अन्त्यमा निर्माता शैलेश आर. सिंहद्वारा एक कहानीमा ऐश्वर्याको स्थानमा तापसी पन्नूलाई लिएको खबर आएको थियो । यस्तै सेप्टेम्बरमा दुई फिल्ममा ऐश्वर्याको स्थानमा अन्य दुई हिरोइनले मौका पाएका थिए ।

पछिल्लो १० वर्ष यता फिल्म ऐ दि हे मुश्किल’ बाहेक ऐश्वर्याका कुनै पनि फिल्म सफल भएका छैनन् । फिल्म ऐ दि हे मुश्किल’ मा पनि उनी सहायक अभिनेत्रीको भूमिकामा थिइन् । सन् २०१० देखि २०१५ सम्म उनी फिल्म देखि टाढा थिइन । उनले सन् २०१५ मा फिल्म जज्बा’ र सन् २०१६ मा सर्वजित’ बाट मुख्य भूमिकाबाट कमब्याक गर्दै बलिउडमा पुनः स्थापित हुने सोचमा रहेकी ऐश्वर्याको सपना पूरा हुन सकेन ।

हालै प्रदर्शन भएको फिल्म फन्ने खान’ ले त झनै ऐश्वर्यालाई ठूलै झट्का लाग्यो । यस फिल्ममा मुख्य अभिनेत्री नभए पनि उनी महत्वपूर्ण भूमिकामा देखिएकी थिइन् । फिल्म निर्माताले ऐश्वर्यालाई निकै ग्ल्यामरस रुपमा प्रस्तुत गरेका थिए । तर पनि उनले दर्शकलाई आकर्शित गर्न सकिनन् ।