निर्मला हत्या प्रकरण : अनुसन्धानका लागि अपनाइदैंछ यस्तो विधि

काठमाडौं, ६ असोज । बलात्कारपछि हत्या गरिएकि  निर्मला पन्तको  घटनाको अनुसन्धानको विधि  परिवर्तन गरिएको छ । उक्त  घटनाको अनुसन्धान गर्नै जिम्वेवारी पाएकी एसपी दुर्गासिंह चन्दले निर्मलाको परिवारका सदस्यसँग वान टु वान सोधपुछ गरेकी हुन्।

उनले बिहीबार निर्मलाका बुबा यज्ञराजसँग घटनाबारे जानकारी लिईन् भने शुक्रबार आमा र दिदीसँग छलफल गरेर घटनाबारे थप अनुसन्धान गरेकी  छन् । घटना भएको लामो समय बितिसक्दा पनि अपराधी पत्ता नलागेपछि सरकारले पछिल्लोपटक केही दिन अघि मात्र दुर्गासिंह चन्दलाई कञ्‍चनपुर खटाएको हो।

निर्मलाको बलात्कार र हत्यामा संलग्नलाई कारबाहीको माग गर्दै शुक्रबार काठमाडौंको माइतीघर मण्डलामा प्रदर्शन भएको छ। प्रदर्शनमा सहभागीहरुले कञ्‍चनपुर घटनाका दोषीलाई पक्राउ गर्न सरकारसँग माग गरेका छन्। दोषिलाई छिटो भन्दा छिटो कानुनी कठघरामा उभ्याउनु पर्नै अावाज सर्वत्र बुलन्द भएको छ ।