रियल मड्रिडका स्टार खेलाडी लुका मोड्रिचलाई जेल सजाय

एजेन्सी, ७ असोज । रियल मड्रिडका स्टार खेलाडी तथा यूरोपियन वर्ष खेलाडी लुका मोड्रिचलाई क्रोएशियाको एक अदालतले कर छली गरेको आरोपमा जेल सजाय साथै जरिवाना समेत सुनाएको छ ।उनलाई ८ महिनाको जे सजाय तथा १.४ मिलियन यूरो जरिवाना सुनाएको हो ।

एल मुन्डोमा प्रकाशित समाचार अनुसार मोड्रिचले आफ्नो इमेज राइट (तस्बिर अधिकार) बापत प्राप्त गरेको रकमको कर सरकारलाई नतिरेको कारणले उनीमाथि अदालतले सजाय सुनाएको हो ।

मिडिया रिपोर्टका अनुसार मोड्रिचले इमेज राइट बापतको रकम ८ लाख ७० हजार ७२८ यूरो सरकारलाई तिरेका थिएनन् ।
सन् २०१३ तथा २०१४ मा लक्जम्बर्गको एक कम्पनीले उनको तस्बिर प्रयोग गरेको थियो ।मोड्रिचमाथि जेल सजाय सुनाइए पनि उनी जेलमा भने बस्नु पर्दैन । उनले जेल सजायबापत थप ६० हजार यूरो तिर्ने एल मुन्डोले बताएको छ ।