नेपाली राष्ट्रिय टिमका स्ट्राइकर विमल घर्तिमगरले च्यासल युथ क्लबसँग सम्झौता गरे

काठमाडौँ, १२ असोज ।  स्टार खेलाडी विमल घर्तिमगर च्यासल युथ क्लबबाट खेल्ने भएका छन् । शहीद स्मारक ए डिभिजन लिग सुरु हुनुभन्दा केही दिनअघि मात्रै उनले च्यासलसँग सम्झौता गरेका हुन् ।

यसअघि उनी थ्रीस्टार क्लबबाट व्यवसायीक खेल खेल्दै आइरहेका थिए ।तर, च्यासलले प्रशिक्षकमा राजुकाजी शाक्यलाई नियुक्त गरेपछि विमल त्यता गएको बुझिएको छ ।

पहिलो पटक ए डिभिजन लिग खेल्न लागेको च्यासललाई अन्डरडग टिमको रुपमा हेरिएको छ । च्यासलमा नयाँ र पुराना खेलाडीको सम्मिश्रण छ । दिनेश थापा मगर, छिरिङ गुरुङ, अमिर श्रेष्ठ, विश्व अधिकारी, गौरभ बुढाथोकी, योगेश गुरुङ जस्ता खेलाडी च्यासलले लिगकालागि क्लबमा अनुबन्धन गरेको छ ।