जनार्दन शर्माको चेतावनी- भ्रष्टहरुलाई पदमा बस्ने अधिकार छैन

रुकुम, १४ असोज । नेकपाका नेता तथा पूर्वमन्त्री जनार्दन शर्मा प्रभाकरले भ्रष्टहरुलाई पदमा बस्ने अधिकार नभएको बताएका छन् ।रुकुम पश्चिमको सानीभेरी गाउँपालिकाले सञ्चालनमा ल्याएको आधुनिक ल्याब तथा एक्स–रे सेवाको शनिबार उद्घाटन गर्दै उनले उक्त कुरा बताएका हुन् ।  रुकुमबाट निर्वाचित सांसद समेत रहेका उनले भ्रष्टाचार गर्ने कसैलाई पनि एक छिन पनि पदमा बस्ने अधिकार नभएको बताएका हुन् ।

उनले रुकुम पश्चिमका जनप्रतिनिधि र कर्मचारीहरुसँगको भेटमा उनले जनताका आकाङ्क्षाअनुसार काम गर्न निर्देशन दिए । उनले जनपक्षीय काम नगरेर कुनै किसिमको अड्को थाप्ने काम जनप्रतिनिधि र कर्मचारी जसले गरे पनि त्यो सह्य बताए । पश्चिमबाट समाजवादको अभ्यास गर्न आफूहरु लागिपरेको उनको जिकिर थियो । उनले जनताको हरेक मागअनुसार कुशलतापूर्वक काम गर्न स्थानीय सरकार तदारुकताका साथ लागि पर्न निर्देशन दिए ।