साउदीमा क्षेत्रिय अधिवेशन सहित सास्कृतिक कार्यक्रम हुदै ।

मनोज बराल

साउदी अरब-गैर आवासीय नेपाली संघ क्षेत्रीय समन्वय समिती ताबुकले आफ्नो तेश्रो अधिवेशन गर्ने भएको छ । बडा दशै २०७५ को अवसर पारेर यहि अक्टोबर १९ तारिक बिजयादशमी टिकाकै दिन अधिवेशन गर्ने निर्णय भएको क्षेत्रीय समितिका अध्यक्ष अर्जुन थापाले बताएका छन । अधिवेशन टिकाकै दिन परेकोले कार्यक्रममा उपस्थित अग्रज महानुभावबाट सामुहिक रुपमा टिका ग्रहण गर्ने योजना समेत रहेको अध्यक्ष थापाले बताएका छन ।

त्यसैगरी सोहि कार्यक्रममा वैदेशिक रोजगारका क्रममा साउदी आएका नेपालीहरु आ-आफ्नो कला र प्रतिभा प्रस्तुत सहित सास्कृतिक कार्यक्रमको तयारी समेत भइरहेको क्षेत्रीय सचिव युवराज पोख्रेलले जानकारी गराएका छन ।  भने खेलप्रेमी महानुभावहरुलाइ मनोरञ्जन दिनका लागी खुल्ला भलिबल प्रतियोगिता कार्यक्रम पनि राखिएको सचिव पोख्रेलले बताएका छ्न ।

कार्यक्रम ताबुकको अल मुफ्ता रिसोर्टमा बिहान १० बजेदेखी सुरू हुनेछ ।