एट्लेटिको र डर्टमण्डको सहज जित

काठमाडौँ, १८ असोज । गएराति भएको च्याम्पियन्स लिगमा एट्लेटिको मड्रिड र बोरुसिया डर्टमण्ड पनि विजयी भएका छन् । एट्लेटिकोले क्लब ब्रुगलाई ३-१ ले पराजित गरेको छ । एट्लेटिकोका लागि एन्टोनी ग्रीजम्यानले दुई गोल गरे भने कोकेले एक गोल गरे । ब्रुगका अर्नोट ग्रोनेभेल्डले एक गोल फर्काएका थिए ।

त्यस्तै डर्टमण्डले फ्रेन्च क्लब मोनाकोलाई ३-० गोलले पराजित गरेको छ । डर्टमण्डलाई जित दिलाउन ज्याकोब लार्सेन, फ्रान्ससिस्को र मार्को रिउसले एक एक गोल गरे । लगातार दुई खेलमा जित हात पारेका यी टोलीहरुले दुई खेलबाट ६ अंक जोडेका छन् ।