श्रम गर्न आउनेलाई बाटो छेक्ने १२ जना काठमाडौं सोल्टीमोडबाट पक्राउ

काठमाडौं, १८ असोज । काठमाडौं महानगरपालिका–१४ सोल्टीमोडस्थित श्रम कार्यालयमा वैदेशिक रोजगार जाने व्यक्तिहरुलाई श्रम गरी दिने भन्दै हैरानी दिने चन्द्रागिरी नगरपालिका–१४ का २४ वर्षीय उज्वल पन्थीसहित १२ जनालाई प्रहरीले पक्राउ गरेको छ ।

सेवाग्राहीलाई बाटो छेकेर अनावश्यक हैरानी दिएको भन्ने सूचनाको आधारमा महानगरीय प्रहरी वृत्त कालिमाटीबाट खटिएको प्रहरी टोलीले उनीहरुलाई नियन्त्रणमा लिएको हो । यस सम्बन्धमा प्रहरीले आवश्यक अनुसन्धान गरिरहेको जनाएको छ ।