तनुश्री-नाना विवादमा काजोलको कडा टिप्पणी

एजेन्सी । तनुश्री दत्ताले नानापाटेकरमाथि यौन दुव्र्यवहारको आरोप लगाएपछि बलिउडमा हुने कास्टिंग काउच र शारीरिक शोषणको विषयमा बहस सुरु भएको छ ।  फिल्मी स्टार यो विषयमा फरक फकर धारणा राखेका छन् । यहीबीचमा प्रसिद्ध अभिनेत्री काजोलले कडा टिप्पणी गरेकी छन् ।  उनले आफ्नो फिल्मी करिअरमा यस्तो घटना कहिले पनि नभोगेको बताइन् ।

उनले भनिन्, ‘मात्र हल्ला सुनेको छु । कसैले अहिलेसम्म कसैले आरोप स्वीकार गरेको छैन ।’ काजोलले आफ्नो हेलिकोप्टर ईलाको प्रमोशनका क्रममा एक टिभीमा उनले कहिले पनि आफूमाथि कास्टिंग काउच नभएको बताइन् । उनले यदि त्यस्तो भएको भए आफू चुप नरहनेसमेत बताइन् ।

उनले तनुश्रीले कास्टिंग काउच सहनु परेकोमा दुःख व्यक्त गर्दै यस्तो हुनु राम्रो नभएको बताइन् । तनुश्रीले वरिष्ठ कलाकार नानामाथि यौन दुव्यवहार गरेको आरोप लगाएकी थिइन् । उनकाअनुसार नानाले २००८ मा एक फिल्म शूटिंगका क्रममा तनुश्रीसँग इन्टिमेट हुन खोजेका थिए ।  नानाले भने यो आरोप अस्वीकार गरेका छन् । उनले आफूले त्यस्तो नगरेकोसमेत बताएका छन् । यो विवादले बलिउडमा भुकम्प नै ल्याएको छ ।