विद्युतीय बस सञ्चालन हुन अझै केही दिन लाग्ने

काठमाडौँ, कात्तिक ९ गते । उपत्यकामा विद्युतीय साझा बसको शुभारम्भ गरिए पनि यात्रु सेवाका लागि सञ्चालनमा आउन अझै केही दिन लाग्ने भएको छ ।साझा यातायात र लुम्बिनी विकास कोषद्वारा संयुक्तरुपमा सञ्चालनमा ल्याउन लागिएको सो बसको शुभारम्भ प्रधानमन्त्री केपी शर्मा ओलीले मङ्गलबार गरेका थिए ।

साझा यातायात सहकारी संस्थाका अध्यक्ष कनकमणि दीक्षितले साझा विद्युतीय बसको शुभारम्भ गरिए पनि उक्त बस सेवा आउन अझ केही दिन कुर्नुपर्ने जानकारी दिए । रुट अनुमति लगायतको कानूनी प्रक्रिया पूरा गर्ने काम अहिले भइरहेकाले उक्त बस सेवा सञ्चालनमा आउन अझ केही दिन कुर्नुपर्ने उहाँले स्पष्ट पारे ।