पाल्पामा सात वर्षीया बालिकालाई बलात्कार गर्ने २२ वर्षीय कौशर मियाँ पक्राउ

पछिल्लो समय नेपालमा बलात्कार तथा महिला हिंसाले उग्र रुप लिएको छ । फेरी पाल्पामा बालिकालाई बलात्कार गरेको आरोपमा एक युवक पक्राउ परेका छन्। सात वर्षीया बालिकालाई बलात्कार गरेको आरोपमा भारतको बेतिया घर भएका २२ वर्षीय कौशर मियाँ पक्राउ परेको जिल्ला प्रहरी कार्यालय पाल्पाका प्रहरी नायब उपरीक्षक विनोद घिमिरेले बताए।

रामपुर नगरपालिका ४ मामजदुरी गर्दै आएका मियाँले रामपुर नगरपालिका ७ की सात वर्षीया बालिकालाई बलात्कार गरेका हुन्। बिहीवार अपराह्न ४ बजेतिर उनले बालिकाको घरमा अभिभावक नभएको मौका पारी बलात्कार गरेको घिमिरेले बताए।उनका अनुसार यसअघि पनि उनले ती बालिकालाई पटक पटक बलात्कारको प्रयास गर्दै आएको खुलेको छ। मियाँलाई जबर्जस्ती करणीको मुद्दा दर्ता गरी थप अनुसन्धान गरिने प्रनाउ घिमिरेले बताए । बालिकाको अवस्था भने सामान्य रहेको उनले जानकारी दिए।