‘मेस्सीका कारण बार्सिलोना जान सकिन’

काठमाडौँ, ४ मंसिर । यस सिजनको सुरुवातसँगै एट्लेटिको मड्रिडका स्टार खेलाडी एन्टोनियो ग्रिजम्यान बार्सिलोना जाने हल्ला व्यापक चल्यो ।तर, अन्तत उनले बार्सिलोना नजाने निर्णय गरे । यसबारे हालै उनले प्रतिक्रिया दिएका छन् । मिडिया रिपोर्टका अनुसार बार्सिलोनाका स्टार खेलाडी लियोनल मेस्सीका कारण बार्सिलाना जाने निर्णय स्थगित गरेको हुन् ।

उनले भनेका छन्, ‘म लियोनल मेस्सीको ओझेलमा रहेर खेल्न सक्दिन भन्ने मलाई लाग्यो । उनको छाँयामा रहेर आफ्नो करिअर थप मजबुत नबन्ने मैले देखे । त्यसका कारण बार्सिलोना नजाने निर्णय मैले लिए ।’यस सिजन बार्सिलोना खासै गतिलो खेल खेल्न सकिरहेको छैन । एट्लेटिकोेको पनि उही अवस्था रहेको छ । शिर्षस्थानमा रहेको बार्सिलोनाको १२ खेलमा २४ अंक रहेको छ भने तेस्रो स्थानमा रहेको एट्लेटिकोको २३ अंक रहेको छ ।