पैसा कमाउन साउदि छिरेका एक नेपाली उतै अस्ताय ।

तेज थापा,

साउदी अरब – वैदेशिक रोजगारको सिलसिलामा साउदी अरब आएका एक नेपालीको दुःखद निधन भएको छ । ताबुक स्थित आस्त्रा कम्पनीमा काम कार्यरत यम बहादुर वलीको अस्पतालमा उपचार कै क्रममा निधन भएको हो ।

केही समयदेखि अस्वस्थ रहदै आएका उनि १७ नोभेम्ब, २०१८ मा एक्कासी बिमारले चापे पछि प्रीन्स फाहाद बिन हस्पिटलमा भर्ना भएका थिए । अवस्था अत्याधिक नाजुक रहेको डाक्टरले तत्कालै सल्यक्रिया गर्नु सल्लाह दिए पछि गत शुक्रबार २३, नोभेम्बर शल्यक्रिया भएको थियोे । शल्यक्रिया पश्चात् अस्पतालको ICU कक्ष मै मृत्यु भएको उनका सहकर्मी दिनेश तामाङ र मनिराम ढकालले आफुलाई जानकारी दिएको एनआरएनए ताबुकका क्षेत्रीय अध्यक्ष अर्जुन थापाले बताए ।

मृतक वलीको ७ महिना अघि पनि पायल्सको सल्यक्रिया भएको थियो । शल्यक्रिया पछि “वहाँको स्वास्थ्यमा खासै सुधार नभइ थप अरु बिमारले समेत च्यापेको थियो”- क्षेत्रीय अध्यक्ष थापाले भने । साथै घटनाको विवरण जेद्धा कन्सुलरमा समेत अवगत गराएको उनले बताए ।

घोराही उ . म . न . पा .३, दाङ स्थाइ घर भएका वली ७ बर्ष देखी साउदि अरब कार्यरत थिए । मृतकका श्रीमती र दुई छोरीहरु छन् भने घरको आर्थिक स्थिति अति कमजोर रहेकोले परिवारको भविष्य समेत अन्योलमा पर्ने भएको छ ।