‘मोरिन्होलाई बर्खास्त गर’

काठमाडौँ, १६ मंसिर । गएराति भएको प्रिमियर लिगमा म्यानचेस्टर युनाइटेडले खेल जित्न नसकेपछि म्यानुका फ्यानहरुले प्रशिक्षक जोसे मोरिन्होलाई बर्खास्त गर्न माग गरेका छन् ।साउथह्याम्टनसँग दुईदुई गोलको बराबरी खेल खेलेपछि मोरिन्होको जागिर धरापमा परेको हो । यस सिजन ६ खेलमा जित, ४ खेलमा बराबरी र चार खेलमा पराजित भएको म्यानुको जम्मा २२ अंक मात्र रहेको छ ।

गएको सिजन लिगलिडर म्यानचेस्टर सिटीलाई च्यालेन्ज गरेको म्यानु यस सिजन शिर्ष चारका लागि पनि प्रतिस्पर्धी नभएको फुटबल विश्लेषकहरु बताउँछन् ।मोरिन्होले टोली निर्माण गर्न नसकेको र सर्यौ मिलियन लगानीको सही सदुपयोग गर्न नसकेको विश्लेषकहरु बताउँछन् ।

अब जनवरी पछि म्यानुमा जोसे रहन्छन् वा रहँदैनन् यसबारे पनि विश्लेषकहरु विश्वस्त छैनन् । म्यानुको खेलमा सुधार नभए उनलाई बर्खास्त गर्नुृ उचित हुने उनीहरुको भनाइ रहेको छ । त्यस्तै म्यानुको फ्यानहरुले सामाजिक सञ्जाल मार्फत मोरिन्होलाई बर्खास्त गर्न दबाब दिइ राखेका छन् ।