भालुको आक्रमणबाट २ महिला गम्भिर घाइते

बाजुरा । बाजुरामा भालुको आक्रमणबाट २ महिला गम्भिर घाइते भएका छन्।भालुको आक्रमणबाट खप्तड छेडेदह गाउँपालिका–४ खातीगाउँकी ५२ वर्षीया जलु धामी र १६ वर्षीया शान्ति धामी गम्भीर घाइते भएको खप्तड छेडेदह गाउँपालिका–४ का वडाध्यक्ष हर्क रावतले जानकारी दिए।

रावतका अनुसार जलुको आँखामा चोट लागेको छ भने शान्तिको पिठ्युमा चोट लागेको छ। आज बिहान गाउँ नजिकैको छडिखोलामा घाँस काट्न जानेक्रममा भालुले आक्रमण गरेको हो।घाइते दुवैको गुदुखाती स्वास्थ्यचौकीमा उपचार हुन नसकेपछि अछामको बयलपाटा रिफर गरिएको जनाएको छ।