लिभरपुललाई झट्का, जोय गोमेज घाइते

काठमाडौँ, २१ मंसिर । यस सिजन लिभरपुल उच्च फर्ममा रहेको छ । हालसम्मै सबैभन्दा उत्कृष्ट खेल प्रदर्शन गरेको लिभरपुललाई झट्का लागेको छ । लिभरपुलका डिफेन्डर जोय गोमेज घाइते भएका छन् । उनी ६ हप्ता मैदान बाहिर रहने भएका छन् ।

बर्नलीविरुद्धको खेलमा उनी घाइते हुन पुगेका हुन् । उनको देब्रे खुट्टा भाच्चिएको छ ।खेलको २२ औ मिनेटमा बर्नलीका कप्तान बेन मीको ट्याकलमा गोमेजको खुट्टा भाचिएको थियो ।

गोमेज खेलको २३ औं मिनेटमा मैदानबाट बाहिरिएका थिए । यस सिजन १५ लिग खेलमा १३ खेल खेलेका थिए । उनको विकल्पमा लिभरपुलले भरपर्दो खेलाडी पाउन मुस्किल रहेको खेल विश्लेषकहरुले बताएका छन् ।