साउदि अरबमा Orential Ladies Group (OLG) मेला सम्पन्न ।

साउदि सम्वाददाता,

साउदी अरब- साउदी अरबको रियाद स्थिति Orential Ladies Group मा आवद्ध नेपाल, भारत र बंलादेशका कुटनितिक नियोगका कर्मचारीहरूको श्रीमतीहरूले एक बिशेष कार्यक्रम सम्पन्न गरेका छन् । आ-आफ्नो देशको संस्कृतिक, हस्तकला एवम् खानेकुरा लगायत अन्यकुराहरुको  प्रबर्द्धन गर्ने उदेश्यले विशेष मेलाको आयोजना गरिएको हो । मेला रियाद स्थित रहेको बंलादेश दुतावास प्रांगणमा हिजो शुक्रबारका सम्पन्न भएको हो ।

उक्त मेलामा नेपाल, भारत र बंलादेशका आ-आफ्नो देशको विशेषता झल्किने विभिन्न हस्तकला गार्मेण्ट सामाग्रीहरूको व्यापारिक स्टलहरू राखिएका थिए भने खाद्य पकवानहरू लगायतका सामाग्रीहरु पनि  मुख्य बिशेषतामा रहेका थिए ।

उक्त मेला बारे बोल्दै नेपालका साउदीको लागी राजदुत प्रा. डा. महेन्द्र सिं राजपुतले मेला अवलोकनको लागी उपस्थित भएका सबैलाई धन्यवाद व्यक्त गरे । एक फरक प्रसंगमा साउदीमा आएका नेपाली श्रमिकहरू जो कोही आएको ३ महिना भन्दा बढी र २ वर्ष ननाघेकाहरूले आफ्नो समस्याहरू राजदुतावासमा लिएर आएमा कम्तिमा एक महीनामा समस्याको समाधान गरिने विश्वास समेत व्यक्त गरेका छन्। पछिल्लो समयमा देखिएको विशेषता: ईकामा(अस्थाई बसोबास अनुमती पत्र) र  श्रमिकहरूको तलब सुविधा बारे नेपाली श्रमिकहरू पिडित रहेको भए ( जो पहिलो २ वर्ष ननाघेका)उक्त समस्याहरू समधानको लागी दुतावास तत्पर रहेको बताए।

उक्त विशेष मेला साँझको चार बजे देखी रातको १० बजे सम्म चलेको थियो ।